प्लास्टिक पुनर्प्रक्रियेसाठी नागरिकांचा सहभाग आवश्यक : मंत्री पंकजा मुंडे
शासनाचा एकही रुपया खर्च न करता स्वयंसेवी संस्थांच्या मदतीने राज्यात १३ ठिकाणी 'महा आर-पेट' प्लास्टिक पुनर्प्रक्रिया अभियान सुरू होत असल्याचे पर्यावरणमंत्री पंकजा मुंडे यांनी सांगितले.
ठाणे : प्लास्टिकचा वाढता प्रभाव रोखण्यासाठी सर्वांनी एकत्र येण्याची गरज असून स्वयंसेवी संस्थांच्या मदतीने प्लास्टिक पुनर्प्रक्रियेचे काम सुरू होत आहे. राज्यात १३ ठिकाणी राबवण्यात येणाऱ्या 'महा आर-पेट' अभियानाची सुरुवात ठाण्यातून होत असून असा उपक्रम राबवणारे महाराष्ट्र देशातील पहिले राज्य ठरेल, असे पर्यावरणमंत्री पंकजा मुंडे यांनी सांगितले.
हिंदुस्तान कोका-कोला बेव्हरेजेस, महाराष्ट्र शासन, प्रदूषण नियंत्रण मंडळ आणि ठाणे महानगरपालिका यांच्या संयुक्त विद्यमाने हा कार्यक्रम झाला. 'एक बॉटल पर्यावरण के नाम' म्हणत प्रत्येकाने अभियानात सहभागी व्हावे, असे आवाहन त्यांनी केले.