साडेतीन शक्तिपीठ दर्शन यात्रेसाठी विशेष बससेवा; वल्लभनगर आगारातून १५ ऑक्टोबर रोजी होणार प्रस्थान
नवरात्रोत्सवानिमित्त वल्लभनगर एसटी आगारातून साडेतीन शक्तिपीठांच्या दर्शनासाठी विशेष बससेवा सुरू होत असून १५ ऑक्टोबर रोजी सकाळी बस सुटणार आहे.
पिंपरी : नवरात्रोत्सवाच्या पार्श्वभूमीवर वल्लभनगर एसटी आगारातून साडेतीन शक्तिपीठांच्या दर्शनासाठी विशेष बससेवा आयोजित करण्यात आली आहे. कोल्हापूरची महालक्ष्मी, तुळजापूरची तुळजाभवानी आणि माहूरगडची रेणुका देवी यांचे दर्शन एकाच प्रवासात घेता येईल.
१५ ऑक्टोबर रोजी सकाळी वल्लभनगर आगारातून बस सुटेल. स्वारगेट, सोलापूर, तुळजापूर, लातूर, नांदेड मार्गे बस माहूरगडला पोहोचेल. अनुभवी चालक-वाहकांची नियुक्ती केल्याचे एसटी प्रशासनाने सांगितले.