'धारावी एक्सपिरियन्स सेंटर'मुळे धारावीकरांमध्ये विश्वासनिर्मिती होईल : मुख्यमंत्री देवेंद्र फडणवीस
धारावी पुनर्विकास प्रकल्पाची प्रत्यक्ष व डिजिटल माहिती देणाऱ्या 'धारावी एक्सपिरियन्स सेंटर'चे उद्घाटन मुख्यमंत्री देवेंद्र फडणवीस यांच्या हस्ते झाले.
मुंबई : धारावी पुनर्विकास प्रकल्पाचा आराखडा, पुनर्वसित नागरिकांना मिळणारी घरे, उद्योगांसाठीची जागा आणि सामाजिक सुविधांचे दर्शन घडवणाऱ्या 'धारावी एक्सपिरियन्स सेंटर'चे उद्घाटन मुख्यमंत्री देवेंद्र फडणवीस यांच्या हस्ते बीकेसीजवळ झाले. यामुळे अफवा व गैरसमजांना आळा बसून पुनर्विकासाबाबत विश्वासाचे वातावरण तयार होईल, असे ते म्हणाले.
धारावी ही केवळ झोपडपट्टी नसून कुंभारकाम, चामडे, अन्नप्रक्रिया आणि प्लास्टिक पुनर्चक्रीकरण उद्योगांचे मोठे आर्थिक इंजिन आहे; या उद्योगांना नियोजित कार्यस्थळे देण्याचा विचार आराखड्यात करण्यात आला आहे, असे मुख्यमंत्र्यांनी सांगितले. यावेळी शंकर महादेवन यांनी गायलेल्या 'धारावी का कल' गीताचे लाँचिंगही झाले.