पुणे विभाग पदवीधर आणि शिक्षक निवडणुकीसाठी एमसीएमसी समिती कार्यान्वित
पुणे विभाग पदवीधर आणि शिक्षक मतदारसंघ निवडणुकीसाठी पुणे, सोलापूर, सातारा, सांगली आणि कोल्हापूर जिल्ह्यांत माध्यम प्रमाणीकरण व संनियंत्रण समिती (एमसीएमसी) कार्यान्वित झाली आहे.
पुणे : महाराष्ट्र विधान परिषदेच्या पुणे विभाग पदवीधर आणि शिक्षक मतदारसंघ निवडणूक-२०२६ च्या अनुषंगाने पुणे, सोलापूर, सातारा, सांगली आणि कोल्हापूर जिल्ह्यांत जिल्हाधिकाऱ्यांच्या अध्यक्षतेखाली एमसीएमसी समिती कार्यान्वित करण्यात आली आहे.
बल्क एसएमएस, रेकॉर्डेड व्हॉइस मेसेज, इलेक्ट्रॉनिक माध्यमे, सोशल मीडिया आणि इंटरनेटवरील सर्व प्रकारच्या प्रचार जाहिराती समितीकडून प्रमाणित करून घेणे बंधनकारक आहे. प्रमाणित करावयाच्या जाहिरातीचा मजकूर प्रसारणाच्या ३ दिवस आधी सादर करावा, असे आवाहन विभागीय आयुक्त शीतल तेली-उगले यांनी केले.