पदवीधर व शिक्षक मतदारसंघातील मतदारांना मतदानासाठी 'विशेष नैमित्तिक रजा'
पुणे विभाग पदवीधर व शिक्षक मतदारसंघ निवडणुकीसाठी मतदानाच्या दिवशी म्हणजेच २३ ऑक्टोबर २०१६ रोजी मतदारांना विशेष नैमित्तिक रजा जाहीर करण्यात आली आहे.
पुणे : पुणे : भारत निवडणूक आयोगाने पुणे विभागातील पदवीधर व शिक्षक मतदारसंघाच्या द्विवार्षिक निवडणुकीचा कार्यक्रम जाहीर केला असून सामान्य प्रशासन विभागाच्या निर्णयान्वये या निवडणुकीसाठी मतदानाच्या दिवशी म्हणजे शुक्रवार दि. २३ ऑक्टोबर २०१६ रोजी भरपगारी सुट्टी जाहीर करण्यात आली आहे.
निवडणुकीतील मतदार असलेल्या पदवीधर व शिक्षक मतदारांना मतदानाचा हक्क बजावता यावा, यासाठी लोकप्रतिनिधित्व अधिनियम, १९५१ मधील कलम १३५ब नुसार भरपगारी सुट्टी जाहीर करण्यात आली आहे. ही रजा त्यांच्या अनुज्ञेय असलेल्या नैमित्तिक रजेव्यतिरिक्त असणार आहे. ही विशेष नैमित्तिक रजा खाजगी आस्थापनांमध्ये काम करणाऱ्या मतदारांना लागू होणार नाही. या निवडणुकीकरिता खाजगी आस्थापनांमध्ये काम करणाऱ्या पदवीधर, शिक्षक मतदारांना मतदानासाठी दोन तासांची विशेष सवलत देण्यात यावी, असे विभागीय आयुक्त तथा निवडणूक निर्णय अधिकारी शितल तेली-उगले यांनी कळविले आहे.