दोन नॅनोमीटर तंत्रज्ञानावर मीडियाटेकची नवी चिपसेट
मीडियाटेक कंपनीने दोन नॅनोमीटर प्रक्रियेवर आधारित 'डायमेन्सिटी ९६०० प्रो' ही नवीन फ्लॅगशिप चिपसेट सादर केली आहे.
नवी दिल्ली : मीडियाटेक कंपनीने दोन नॅनोमीटर प्रक्रियेवर आधारित 'डायमेन्सिटी ९६०० प्रो' ही नवीन फ्लॅगशिप चिपसेट सादर केली आहे. ही चिपसेट स्मार्टफोनच्या कामगिरीत आणि वीज कार्यक्षमतेत मोठी सुधारणा करेल, असा दावा कंपनीने केला आहे.
नवीन चिपसेटमध्ये 'सीर-२ अल्ट्रा' आणि 'सीर-प्रो' कोअरचा समावेश आहे. मागील पिढीच्या तुलनेत एकल-कोअर कामगिरी १७ टक्क्यांनी, तर बहु-कोअर कामगिरी १५ टक्क्यांनी अधिक असल्याचे कंपनीने म्हटले आहे. गेमिंगच्या दृष्टीने ही चिपसेट अत्यंत वेगवान आहे.