शासकीय वैद्यकीय महाविद्यालय व रुग्णालय परिसरात स्वच्छता अभियान
बारामती येथील पुण्यश्लोक अहिल्यादेवी होळकर शासकीय वैद्यकीय महाविद्यालय व रुग्णालयात स्वच्छता अभियान राबवण्यात आले.
बारामती : बारामती येथील पुण्यश्लोक अहिल्यादेवी होळकर शासकीय वैद्यकीय महाविद्यालय व रुग्णालयात अधिष्ठाता डॉ. अंजली पाटील यांच्या मार्गदर्शनाखाली स्वच्छता अभियान राबवण्यात आले. या अभियानात महाविद्यालयातील प्राध्यापक, वैद्यकीय व नर्सिंग विद्यार्थी, तसेच इतर कर्मचाऱ्यांनी उत्स्फूर्त सहभाग नोंदवला.
या अभियानांतर्गत रुग्णालय परिसराची स्वच्छता करण्यात आली आणि कचऱ्याचे योग्य संकलन व वर्गीकरण करण्यात आले. रुग्णालयाचा परिसर स्वच्छ आणि आरोग्यदायी ठेवण्यासाठी सर्वांनी नियमित प्रयत्न करावेत, असे आवाहन डॉ. पाटील यांनी केले.