बजाज पुणे ग्रँड टूरला UCI २.१ श्रेणी; २६ ते ३१ जानेवारीदरम्यान सहा टप्प्यांची स्पर्धा
बजाज पुणे ग्रँड टूर सायकलिंग स्पर्धेला आंतरराष्ट्रीय सायकलिंग युनियन (UCI) कडून २.१ श्रेणी बहाल करण्यात आली असून, ही स्पर्धा २६ ते ३१ जानेवारी दरम्यान सहा टप्प्यांत होणार आहे.
पुणे : बजाज पुणे ग्रँड टूर सायकलिंग स्पर्धेला आंतरराष्ट्रीय सायकलिंग युनियन (UCI) कडून २.१ श्रेणी बहाल करण्यात आली आहे. ही स्पर्धा २६ ते ३१ जानेवारी दरम्यान पुणे आणि पुणे जिल्ह्यातील विविध भागांत सहा टप्प्यांत आयोजित केली जाणार आहे. या श्रेणीवाढीमुळे स्पर्धेत आंतरराष्ट्रीय दर्जाचे सायकलपटू सहभागी होणार असून, स्पर्धा अधिक चुरशीची होणार आहे.
पुणे जिल्ह्याचे जिल्हाधिकारी जितेंद्र डुडी यांनी सांगितले की, या स्पर्धेमुळे पुणे जिल्ह्याच्या पर्यटन आणि क्रीडा क्षेत्राला मोठी चालना मिळणार आहे. स्पर्धेचा मार्ग ऐतिहासिक आणि भौगोलिकदृष्ट्या महत्त्वाच्या भागांतून जाणार असून, यामध्ये सिंहगड, लोणावळा, बारामती आणि पिंपरी-चिंचवड या भागांचा समावेश आहे.