एअरटेल सर्व पोस्टपेड प्लॅनवर मोफत इंटरनॅशनल रोमिंग देते
भारती एअरटेलने आपल्या सर्व पोस्टपेड प्लॅन्सवर मोफत आंतरराष्ट्रीय रोमिंग (International Roaming) देण्याची घोषणा केली आहे.
पुणे : भारतातील या आघाडीच्या दूरसंचार सेवा पुरवठादार कंपनी भारती एअरटेलने आपल्या ग्राहकांसाठी नवीन पोस्टपेड प्लॅन्स सादर केले आहेत, ज्यामध्ये मोफत आंतरराष्ट्रीय रोमिंगची सुविधा दिली जाणार आहे. ८ ऑक्टोबर २०२६ पासून हे प्लॅन्स लागू होणार असून, ग्राहकांना परदेश प्रवासात कोणताही अतिरिक्त खर्च करावा लागणार नाही.
या प्लॅन्समध्ये अमर्यादित डेटा, कॉलिंग आणि एसएमएस सुविधा समाविष्ट आहे. एअरटेलचे संचालक (मार्केट ऑपरेशन्स) अमित त्रिपाठी यांनी सांगितले की, ग्राहकांना परदेशातही अखंड आणि दर्जेदार नेटवर्क अनुभव देणे हा या सुविधेचा मुख्य उद्देश आहे.