१६ क्षेत्रीय कार्यालयांच्या हद्दीत दीड हजार डेंग्यूचे रुग्ण
पुणे महापालिकेच्या १६ क्षेत्रीय कार्यालयांच्या हद्दीत जून ते सप्टेंबर दरम्यान १,६४३ डेंग्यू रुग्णांची नोंद झाली आहे.
पुणे : पुणे शहरात बदलत्या हवामानामुळे डेंग्यूच्या रुग्णांमध्ये वाढ झाली आहे. आरोग्य विभागाने दिलेल्या आकडेवारीनुसार कोथरूड-बावधन, नगररस्ता-वडगावशेरी आणि औंध-बाणेर परिसरात सर्वाधिक डेंग्यूचे रुग्ण आढळले आहेत.
कोथरूडमध्ये २२९, नगररस्त्यावर २२२ तर औंध-बाणेर भागात २१२ रुग्ण आढळले आहेत. नागरिकांनी साचलेले पाणी नष्ट करावे आणि खबरदारी बाळगावी, असे आवाहन महापालिकेच्या आरोग्य विभागाने केले आहे.