दुष्काळी परिस्थितीत फळबाग व्यवस्थापन, पाणी वाचवा, फळझाडे जगवा!
महाराष्ट्रातील दुष्काळी परिस्थितीत फळबागा वाचवण्यासाठी ठिबक सिंचन, आच्छादन, फळछाटणी आणि पाणी बचतीच्या उपायांचे नियोजन कृषी विभागाने सुचवले आहे.
पुणे : राज्यात पावसाच्या अभावामुळे फळबागांना पाण्याचा मोठा फटका बसत आहे. फळझाडे जगवण्यासाठी बागेतील जमिनीतील ओलावा टिकवून ठेवणे अत्यंत आवश्यक आहे. त्यासाठी गवत, काडीकचरा किंवा सेंद्रिय अवशेषांचे आच्छादन (मल्चिंग) करावे.
ठिबक सिंचनाचा वापर करावा, झाडांवरील फळांची विरळणी करावी आणि कीड व रोग नियंत्रणासाठी एकात्मिक पद्धतीचा अवलंब करावा. स्थानिक कृषी विद्यापीठांच्या शिफारशींनुसार पाणी साठवण व जलसंवर्धनाचे नियोजन करावे.