दुष्काळसदृश परिस्थितीचा आढावा घेण्यासाठी कृषी विभागाचा वाळकीत दौरा, शेतकऱ्यांशी संवाद
दौंड तालुक्यातील वाळकी येथे जिल्हा कृषी अधिकारी वैभव तांबे व पथकाने दुष्काळसदृश परिस्थितीची पाहणी करून शेतकऱ्यांशी संवाद साधला.
पुणे : दौंड तालुक्यातील वाळकी परिसरात दुष्काळसदृश परिस्थितीचा आढावा घेण्यासाठी जिल्हा कृषी अधिकारी वैभव तांबे यांनी भेट दिली. त्यांनी शेतावर जाऊन सोयाबीन व इतर पिकांच्या नुकसानीची पाहणी केली.
पंचनाम्याची प्रक्रिया सुरळीत पार पाडून शेतकऱ्यांना शासकीय भरपाई मिळवून देण्यासाठी प्रशासन प्रयत्नशील असल्याचे तांबे यांनी सांगितले. यावेळी स्थानिक लोकप्रतिनिधी व शेतकरी उपस्थित होते.