केंद्रीय पथकाकडून बीड जिल्ह्यात १५ ठिकाणी प्रत्यक्ष पाहणी
बीड जिल्ह्यातील दुष्काळ परिस्थितीची प्रत्यक्ष पाहणी करण्यासाठी केंद्रीय पथकाने १५ ठिकाणी भेटी देऊन शेतकरी व पीक नुकसानीचा आढावा घेतला.
छत्रपती संभाजीनगर : मराठवाड्यातील दुष्काळ परिस्थितीची पाहणी करण्यासाठी आलेल्या केंद्र सरकारच्या केंद्रीय पथकाने सलग दुसऱ्या दिवशी बीड जिल्ह्यातील १५ ठिकाणी भेटी देऊन शेतकऱ्यांशी संवाद साधला. दुपारच्या वेळी बीड जिल्हाधिकारी कार्यालयात आढावा बैठक घेण्यात आली.
सोयाबीन, कापूस, तूर व फळबागांचे पावसाअभावी मोठे नुकसान झाले असून शेतकऱ्यांनी आर्थिक संकटाची माहिती दिली. पथकाने नुकसानीची वस्तूस्थिती जाणून घेऊन अहवाल तयार करण्यास सुरुवात केली आहे.