पदवीधर, शिक्षक मतदारसंघात महायुतीचा विजय निश्चित : आमदार शंकर जगताप
चिंचवड मतदारसंघातील महायुतीच्या कार्यकर्त्यांच्या एकजुटीच्या बळावर पदवीधर व शिक्षक मतदारसंघात महायुतीचा विजय निश्चित आहे, असा विश्वास भाजप शहराध्यक्ष व आमदार शंकर जगताप यांनी व्यक्त केला.
पिंपरी : पिंपरी-चिंचवड शहरातील महायुतीच्या प्रमुख पदाधिकाऱ्यांची बैठक चिंचवड येथील जनसंपर्क कार्यालयात आमदार शंकर जगताप यांच्या अध्यक्षतेखाली पार पडली.
या वेळी माजी महापौर शत्रूघ्न काटे, राष्ट्रवादी काँग्रेसचे शहराध्यक्ष योगेश बहल, संघटक सरचिटणीस मोरेश्वर शेडगे आदी उपस्थित होते. मतदारांशी थेट संपर्क साधून प्रचार मोहीम तीव्र करण्याचे आदेश आमदार जगताप यांनी दिले.