केवळ सुशिक्षित नव्हे, तर जबाबदार नागरिक घडविणे आवश्यक : मुख्यमंत्री देवेंद्र फडणवीस
शिक्षणाद्वारे केवळ सुशिक्षित व्यक्ती नव्हे, तर अधिकार आणि कर्तव्यांची जाणीव असणारा देशभक्त नागरिक घडला पाहिजे, असे मत मुख्यमंत्री देवेंद्र फडणवीस यांनी व्यक्त केले. बीएमसीच्या 'सुजाण नागरिक-सक्षम भारत' उपक्रमाच्या उद्घाटनाप्रसंगी ते बोलत होते.
मुंबई : मुंबई महानगरपालिकेच्या वतीने आयोजित 'सुजाण नागरिक-सक्षम भारत' या शैक्षणिक उपक्रमाचे उद्घाटन मुख्यमंत्र्यांच्या हस्ते दादर येथील मुंबई पब्लिक स्कूलमध्ये झाले. या प्रसंगी सर्वोच्च न्यायालयाचे माजी न्यायमूर्ती भूषण गवई उपस्थित होते.
डॉ. बाबासाहेब आंबेडकर यांच्या जीवनावर आधारित 'विद्यार्थी प्रेरणा' या पुस्तिकेचे प्रकाशन या वेळी करण्यात आले. विद्यार्थ्यांना घटनात्मक मूल्ये आणि कर्तव्यांची माहिती देणे काळाची गरज आहे, असे फडणवीस म्हणाले.