महापालिका रुग्णालये, दवाखाने बनले पार्किंग अड्डे!
पुण्यातील महापालिकेच्या रुग्णालयांच्या आवारात खाजगी वाहनांचे बेकायदेशीर पार्किंग होत असल्याने रुग्णांना व नातेवाईकांना मोठा मनस्ताप सहन करावा लागत आहे.
पुणे : पुणे महापालिकेच्या येरवडा येथील राजीव गांधी रुग्णालय आणि नागपूर चाळ येथील छत्रपती शिवराय दवाखान्यासह अनेक ठिकाणी आवारात खाजगी वाहने उभी केली जात आहेत. यामुळे उपचारासाठी येणाऱ्या रुग्णांना आणि रुग्णवाहिकांना जागा मिळत नाही.
स्थानिक लोकप्रतिनिधी व राजकीय पदाधिकाऱ्यांच्या दबावामुळे सुरक्षा रक्षक कारवाई करण्यास घाबरत आहेत. पालिकेच्या आरोग्य विभागाने यावर तातडीने कठोर कारवाई करण्याची मागणी नागरिकांकडून केली जात आहे.