खासगी रुग्णालयांना सेवा-सुविधांचे दर ठळकपणे प्रदर्शित करणे बंधनकारक - सार्वजनिक आरोग्य विभागाचे निर्देश
महाराष्ट्रातील सर्व खाजगी रुग्णालये आणि नर्सिंग होमना उपचारांचे व सेवांचे दर ठळकपणे प्रदर्शित करणे सार्वजनिक आरोग्य विभागाने बंधनकारक केले आहे.
मुंबई : सार्वजनिक आरोग्य विभागाने राज्यातील सर्व खाजगी रुग्णालये आणि वैद्यकीय आस्थापनांना वैद्यकीय सेवा व सुविधांचे दर रुग्णांना सहज दिसतील अशा ठिकाणी ठळकपणे प्रदर्शित करण्याचे निर्देश दिले आहेत.
रुग्ण आणि त्यांच्या नातेवाईकांना उपचाराच्या संभाव्य खर्चाची पूर्वकल्पना मिळावी यासाठी हा निर्णय घेण्यात आला आहे. दरपत्रक मराठी व इंग्रजी दोन्ही भाषांमध्ये असणे अनिवार्य असून नियमांचे उल्लंघन करणाऱ्यांवर कायदेशीर कारवाईचा इशारा देण्यात आला आहे.