इतर राज्यात नोंदणी असलेल्या ४२ वाहनांवर कारवाई; पिंपरी-चिंचवड प्रादेशिक परिवहन कार्यालयाची विशेष तपासणी मोहीम
पिंपरी-चिंचवड आरटीओने इतर राज्यात नोंदणी करून महाराष्ट्रात बेकायदेशीरपणे चालणाऱ्या ४२ खाजगी वाहनांवर कारवाई करत ४८,५०० रुपयांचा दंड वसूल केला.
पुणे : पिंपरी-चिंचवड परिसरात इतर राज्यात नोंदणी असलेल्या ४२ खाजगी वाहनांवर प्रादेशिक परिवहन कार्यालयाने कायदेशीर दंडात्मक कारवाई केली आहे. या कारवाईतून एकूण ४८ हजार ५०० रुपयांचा दंड वसूल करण्यात आला.
१ ते १९ ऑक्टोबर दरम्यान नियमांचे उल्लंघन करणाऱ्या वाहनांवर ही कारवाई करण्यात आली. परराज्यात नोंदणी असलेल्या वाहनांनी महाराष्ट्रात वापर करताना कागदपत्रे अद्ययावत ठेवावीत, असे आवाहन आरटीओ कार्यालयाने केले आहे.