पुणे विभाग पदवीधर व शिक्षक मतदारसंघ निवडणुकीच्या पार्श्वभूमीवर २३ ऑक्टोबरला आठवडे बाजार बंद ठेवण्याचे आदेश
पदवीधर व शिक्षक मतदारसंघ निवडणुकीच्या पार्श्वभूमीवर २३ ऑक्टोबरला आंबेगाव, खेड, बारामती व इंदापूर तालुक्यातील ठराविक आठवडे बाजार बंद ठेवण्याचे आदेश जारी करण्यात आले आहेत.
पुणे : पुणे विभाग पदवीधर व शिक्षक मतदारसंघ निवडणुकीच्या पार्श्वभूमीवर मतदानाच्या दिवशी म्हणजे २३ ऑक्टोबर रोजी संबंधित गावांमधील आठवडे बाजार बंद ठेवण्याचे आदेश जिल्हाधिकारी जितेंद्र डुडी यांनी दिले आहेत.
आंबेगाव तालुक्यातील पारगाव तर्फे अवसरी बुद्रुक व घोडेगाव, इंदापूर तालुक्यातील बावडा, खेड तालुक्यातील राजगुरुनगर आणि बारामती तालुक्यातील लोणीभापकर येथील आठवडे बाजार शुक्रवारी बंद राहतील. आदर्श आचारसंहितेचे उल्लंघन करणाऱ्यांवर कायदेशीर कारवाई करण्यात येईल, असे स्पष्ट करण्यात आले आहे.