पिंपरी महापालिकेत आयुक्तांचा निलंबनाचा धडाका; सात महिन्यात ११ जणांचे निलंबन
पिंपरी महापालिकेत कामातील हलगर्जीपणा आणि गैरवर्तनामुळे आयुक्त विजय सूर्यवंशी यांनी गेल्या सात महिन्यांत ११ अधिकाऱ्यांना निलंबित केले आहे.
पिंपरी : पिंपरी-चिंचवड महापालिकेत कामात हलगर्जीपणा, कर्तव्यकसुरी आणि प्रशासकीय गोपनीयता भंग केल्याप्रकरणी आयुक्त विजय सूर्यवंशी यांनी गेल्या सात महिन्यांत ११ अधिकाऱ्यांवर व कर्मचाऱ्यांवर निलंबनाची कारवाई केली आहे.
कामातील अनियमितता, मद्यपान करून कर्तव्यावर येणे आणि लाचलुचपत विभागाच्या कारवाईमुळे स्थापत्य, अग्निशामक, वैद्यकीय व बांधकाम विभागातील कर्मचाऱ्यांवर ही कारवाई झाली. प्रशासनात शिस्त आणण्यासाठी ही कारवाई सुरुच राहील असे संकेत दिले आहेत.