मुख्यमंत्री देवेंद्र फडणवीस यांनी बजावला मतदानाचा हक्क
महाराष्ट्र विधानपरिषदेच्या नागपूर विभाग पदवीधर आणि अमरावती विभाग शिक्षक मतदारसंघासाठी मतदान पार पडले. मुख्यमंत्री देवेंद्र फडणवीस यांनी नागपुरात मतदानाचा हक्क बजावला.
नागपूर/मुंबई : महाराष्ट्र विधानपरिषदेच्या नागपूर विभाग पदवीधर आणि अमरावती विभाग शिक्षक मतदारसंघाच्या निवडणुकीसाठी शांततेत मतदान पार पडले. मुख्यमंत्री देवेंद्र फडणवीस यांनी नागपूर येथील दादाजी धुनिवाले उच्च प्राथमिक शाळेतील मतदान केंद्रावर मतदानाचा हक्क बजावला.
यावेळी त्यांनी राज्यातील सर्व पदवीधर आणि शिक्षक मतदारांनी मतदान प्रक्रियेत सहभागी होण्याचे आवाहन केले. अमरावती शिक्षक मतदारसंघात ९१.०८ टक्के तर नागपूर पदवीधर मतदारसंघात ६४ टक्के प्राथमिक मतदानाची नोंद झाली आहे. मतमोजणी २७ ऑक्टोबर रोजी होणार आहे.