राज्यातील नोंदणीकृत सावकारांना नियमबाह्य पद्धतीने व्याज वसूल करता येणार नाही : पंकज भोयर
नोंदणीकृत सावकारांनी शेतकऱ्यांकडून नियमबाह्य अतिरिक्त व्याज वसूल केल्यास त्यांच्यावर कठोर कारवाई केली जाईल, असा इशारा गृहराज्यमंत्री पंकज भोयर यांनी दिला.
पुणे : राज्यातील नोंदणीकृत सावकारांना नियमबाह्य पद्धतीने व्याजाची वसुली करता येणार नाही. जो सावकार शेतकऱ्यांकडून अतिरिक्त व्याजाची आकारणी करेल, त्याच्यावर सरकार कठोर कारवाई करेल असा स्पष्ट इशारा गृहराज्यमंत्री पंकज भोयर यांनी दिला आहे.
नांदेड येथील शेतकऱ्याच्या संशयास्पद मृत्यूची सखोल चौकशी सुरू असून, या प्रकरणात मायक्रो फायनान्स कंपन्यांच्या जबरदस्तीने वसुली करण्याच्या पद्धतींवरही कठोर धोरण अवलंबले जाईल असे त्यांनी सांगितले.