हिंजवडी ते शिवाजीनगर मेट्रो उद्घाटनाशिवाय सुरू? आदित्य ठाकरेंनी मुख्यमंत्र्यांना सुचविला उपाय
हिंजवडी-शिवाजीनगर मेट्रोचे उद्घाटन लांबणीवर पडत असल्यामुळे औपचारिक उद्घाटनाविना मेट्रो त्वरित सुरू करावी, असा सल्ला आदित्य ठाकरे यांनी मुख्यमंत्र्यांना दिला.
पिंपरी : पिंपरी-चिंचवड आणि पुण्याच्या वाहतूक कोंडीवर उपाय म्हणून हिंजवडी ते शिवाजीनगर मेट्रो मार्ग ३ त्वरित सुरू करण्याची मागणी शिवसेना (ठाकरे गट) नेते आदित्य ठाकरे यांनी केली आहे. औपचारिक उद्घाटनाची वाट न पाहता नागरिकांच्या सोयीसाठी मेट्रो सुरू करावी, असा सल्ला त्यांनी मुख्यमंत्र्यांना दिला.
मेट्रोचे काम पूर्ण होऊनही उद्घाटनाच्या मुहूर्तामुळे प्रकल्प रखडला असून आयटी पार्कमधील कर्मचाऱ्यांना आणि स्थानिक नागरिकांना वाहतूक कोंडीचा मोठा त्रास सहन करावा लागत असल्याचे आदित्य ठाकरे यांनी नमूद केले.