दुष्काळग्रस्त शेतकऱ्यांना मदत वेळेत मिळावी; सर्व यंत्रणांनी सतर्क राहावे : उपमुख्यमंत्री एकनाथ शिंदे
नाशिकमधील आढावा बैठकीत उपमुख्यमंत्री एकनाथ शिंदे यांनी दुष्काळग्रस्त शेतकऱ्यांना वेळेत मदत आणि पाणी-चाऱ्याचे योग्य नियोजन करण्याचे आदेश दिले.
नाशिक : राज्यातील दुष्काळी परिस्थितीच्या पार्श्वभूमीवर शेतकऱ्यांना तातडीने दिलासा देण्यासाठी शासनाने घेतलेल्या निर्णयांची प्रभावी आणि कालबद्ध अंमलबजावणी करावी, अशा सूचना उपमुख्यमंत्री एकनाथ शिंदे यांनी नाशिक येथे आढावा बैठकीत दिल्या. पिण्याचे पाणी, चारा व टँकर व्यवस्थापनाला प्राधान्य देण्याचे निर्देश त्यांनी दिले.
ऑगस्ट २०२७ पर्यंत पिण्याचे पाणी आणि जनावरांचा चारा पुरेल असे दीर्घकालीन नियोजन करावे. तसेच दुष्काळ निवारणाच्या उपाययोजनांमध्ये कोणतीही दिरंगाई होणार नाही याची दक्षता सर्व संबंधित विभागांनी घ्यावी, असेही शिंदे म्हणाले.