भाजपने संविधान शिल्प हटवलेल्या चौकाला 'डॉ. बाबासाहेब आंबेडकर चौक' नाव द्या, परिसर 'संविधान सृष्टी' म्हणून विकसित करा : शहराध्यक्ष नरेंद्र बनसोडे
सांगवी येथील संविधान चौकातील शिल्प हटवल्याच्या विरोधात काँग्रेसने आंदोलन तीव्र केले असून चौकाला डॉ. आंबेडकरांचे नाव देण्याची मागणी केली आहे.
चिंचवड : सांगवी येथील संविधान चौकातील संविधानाचे शिल्प भाजप महापालिकेने हटवल्याचा आरोप करत काँग्रेस पक्षाने सुरू केलेल्या आंदोलनाचा आज पाचवा दिवस होता. या चौकाला 'डॉ. बाबासाहेब आंबेडकर चौक' नाव देऊन परिसर 'संविधान सृष्टी' म्हणून विकसित करावा, अशी मागणी शहराध्यक्ष नरेंद्र बनसोडे यांनी केली.
संविधानाचा अपमान खपवून घेतला जाणार नाही, असा इशारा देत काँग्रेस कार्यकर्त्यांनी चौकात निदर्शने केली व प्रशासनाने तात्काळ कारवाई करण्याची मागणी केली.