भारताने भविष्यकालीन तंत्रज्ञानात जगाचे नेतृत्व करावे : पंतप्रधान मोदी
भारताने भविष्यकालीन तंत्रज्ञानाचा स्वीकार करून आणि नवनवीन शोध लावून जागतिक पातळीवर नेतृत्व केले पाहिजे, असे प्रतिपादन पंतप्रधान नरेंद्र मोदी यांनी केले.
नवी दिल्ली : भारताने भविष्यकालीन तंत्रज्ञानाचा स्वीकार करून, ध्येयाने नवनवीन शोध लावून ते विकसित करण्यात जगाचे नेतृत्व केले पाहिजे. देश विज्ञान आणि तंत्रज्ञान क्षेत्रात एका नव्या मानसिकतेने आणि नव्याने गवसलेल्या आत्मविश्वासाने पुढे वाटचाल करत असल्याचे प्रतिपादन पंतप्रधान नरेंद्र मोदी यांनी मंगळवारी केले. उद्योगमुख विज्ञान, तंत्रज्ञान आणि नवोपक्रम संमेलन-२०२६ ला संबोधित करताना ते बोलत होते.
पंतप्रधान म्हणाले की, नवीन तंत्रज्ञान निर्माण करणे आणि भारतासाठी, जगासाठी, आजसाठी आणि उद्यासाठी त्याची दिशा निश्चित करणे हे देशाचे ध्येय आहे. आज २१ व्या शतकातील भारत एका नव्या मानसिकतेने आणि नव्याने गवसलेल्या आत्मविश्वासाने पुढे वाटचाल करत आहे. शून्याच्या शोधापासून ते संख्या प्रणालीच्या विकासापर्यंत आणि खगोलशास्त्रातील प्रगतीपर्यंत, भारताची संस्कृती नेहमीच ज्ञान आणि शोधांमध्ये रुजलेली आहे.
भारताकडे अणुऊर्जेची आवश्यकता आहे म्हणूनच भारत फास्ट ब्रीडर रिॲक्टर तंत्रज्ञान विकसित करत आहे. बॅटरी स्टोरेजच्या क्षेत्रातही भारत उपलब्ध असलेल्या साधनांचा वापर करून आपली क्षमता वाढवण्यावर काम करत असल्याचे त्यांनी स्पष्ट केले.