महाराष्ट्राच्या राजकारणात पवारांची ताकद पुन्हा दिसली, प्रचाराला न जाता पडद्यामागून सूत्रे फिरवली, निकाल सर्वांसमोर !
विधान परिषदेच्या ५ जागांच्या निवडणुकीत प्रत्यक्ष प्रचारात न उतरताही शरद पवारांनी आपल्या रणनीतीने दोन जागांवर महाविकास आघाडीला यश मिळवून दिले.
पुणे : पुणे : महाराष्ट्राच्या राजकारणात ज्येष्ठ नेते शरद पवार यांची ताकद आजही तशीच अबाधित आहे. पक्षफुटीनंतरही न डगमगता २०२४ च्या लोकसभा निवडणुकीत सत्ताधाऱ्यांच्या विरोधात रान उठवणारे शरद पवार सर्वाधिक जागांवर आपले उमेदवार निवडून आणताना संपूर्ण देशाने पाहिले. त्यानंतर विधान परिषद निवडणुकीतही त्यांनी स्वतः प्रचारात न उतरता पडद्यामागून रणनीति आखली.
विधान परिषदेच्या दोन शिक्षक आणि तीन पदवीधर मतदारसंघांच्या निवडणुकीत प्रचंड चुरस बघायला मिळाली. यामध्ये पुणे पदवीधर मतदारसंघात भाजपच्या स्मिता जाधव विरुद्ध शरद पवारांच्या राष्ट्रवादीच्या हर्षदा देशमुख-जाधव यांच्यात जोरदार लढत झाली.
छत्रपती संभाजीनगर पदवीधर मतदारसंघातही शरद पवारांच्या राष्ट्रवादीचे उमेदवार प्रतापसिंग पाटील यांनी बाजी मारली. तर नागपूर व अमरावती मतदारसंघातही चुरशीची मतमोजणी सुरू आहे. या निकालावरून पवारांची राजकीय ताकद पुन्हा एकदा सिद्ध झाली आहे.