नगरसेवक स्वेच्छा निधीतून विकासकामे करण्यासाठी मार्गदर्शक तत्त्वे जाहीर
पिंपरी-चिंचवड महापालिकेने नगरसेवक स्वेच्छा निधीतून नागरी सुविधांची कामे करण्यासाठी सुधारित मार्गदर्शक तत्त्वे जाहीर केली आहेत.
पिंपरी : पिंपरी चिंचवड महापालिकेच्या क्षेत्रात नगरसेवकांना मंजूर असलेल्या स्वेच्छा निधीचा प्रभावी आणि नागरी हितासाठी वापर व्हावा, यासाठी मार्गदर्शक तत्त्वे निश्चित करण्यात आली आहेत. या निधीतून लहान रस्ते, पाणीपुरवठा, स्वच्छता व दुरुस्ती कामांना प्राधान्य दिले जाईल.
२५ लाख रुपयांपेक्षा जास्त रकमेच्या प्रस्तावांसाठी स्थायी समितीची पूर्वमान्यता आवश्यक राहील. विकासकामांचा दर्जा आणि नागरिकांच्या गरजा विचारात घेऊनच निधी वितरित केला जाईल असे परिपत्रकात स्पष्ट केले आहे.