पंजाब निवडणुकीपूर्वी 'आप'ला मोठा धक्का,तीन आमदारांचा पक्षाला रामराम
पंजाब विधानसभा निवडणुकीपूर्वी आम आदमी पक्षाच्या तीन आमदारांनी पक्षाचा राजीनामा देऊन भारतीय जनता पक्षात प्रवेश केला आहे.
अमृतसर : २०२७ च्या पंजाब विधानसभा निवडणुकीपूर्वी आम आदमी पक्षाला (आप) मोठा धक्का बसला आहे. पक्षाच्या तीन आमदारांनी दोन दिवसांत राजीनामा दिला असून त्यांनी भाजपमध्ये प्रवेश केला आहे.
अमृतसर उत्तरचे आमदार आणि माजी आयपीएस अधिकारी कुंवर विजय प्रताप सिंह यांनी विधानसभा सदस्यत्वाचा राजीनामा दिला. भगवंत मान सरकार आणि आप नेतृत्वाशी दीर्घकाळापासून त्यांचे मतभेद होते. सरकार चालवण्याच्या पद्धतीवर त्यांनी प्रश्न उपस्थित केले होते.
त्याआधी पतियाळा जिल्ह्यातील समानाचे आमदार चेतन सिंग जोडमाजरा आणि सनावरचे आमदार हरमीत सिंग पठाणमाजरा यांनीही आपच्या प्राथमिक सदस्यत्वाचा राजीनामा देऊन भाजपमध्ये प्रवेश केला.