आंदोलन तात्पुरते स्थगित परंतु कारवाईसाठी पाठपुरावा चालूच राहणार : शहराध्यक्ष नरेंद्र बनसोडे
सांगवी येथील संविधान चौकातील स्मारक हटवल्याप्रकरणी पुकारलेले आंदोलन दिवाळीमुळे तात्पुरते स्थगित केले असले तरी कारवाई होईपर्यंत पाठपुरावा सुरुच राहील, असा इशारा शहराध्यक्ष नरेंद्र बनसोडे यांनी दिला.
पिंपरी-चिंचवड/सांगवी : सांगवी येथील संविधान चौकातील भारतीय संविधानाच्या प्रास्ताविकेचे शिल्प हटविल्याच्या प्रकरणावरून सुरू असलेले आंदोलन दिवाळीमुळे तात्पुरते स्थगित करण्यात आले आहे, परंतु कारवाईसाठी प्रशासनाकडे पाठपुरावा सुरूच राहील, असे काँग्रेस शहराध्यक्ष नरेंद्र बनसोडे यांनी सांगितले.
महापालिकेच्या अधिकाऱ्यांनी स्मारकाचा भाग उद्ध्वस्त केल्याचा आरोप करत कार्यकर्त्यांनी सांगवी पोलीस ठाण्यात गुन्हा दाखल करण्याची मागणी केली होती.
जेष्ठ सामाजिक कार्यकर्ते मानव कांबळे व मारुती भापकर यांच्या विनंतीवरून आंदोलन तात्पुरते मागे घेण्यात आले आहे.