आमदार शंकर जगताप यांचा दुष्काळग्रस्त शेतकऱ्यांना मदतीचा हात!
चिंचवडचे आमदार शंकर जगताप यांनी बार्शी, भूम-परांडा आणि कळंब तालुक्यातील दुष्काळग्रस्त शेतकरी कुटुंबांना रेशन किट व मदत साहित्य पोहोचवले.
पिंपरी : आमदार शंकर जगताप यांनी दुष्काळग्रस्त शेतकरी कुटुंबांसाठी मदतीचा महत्त्वपूर्ण उपक्रम हाती घेतला आहे. बार्शी, भूम-परांडा, कळंब आणि गेवराई परिसरातील ७ हजार गरजू शेतकरी कुटुंबांना महिनाभर पुरेल असे जीवनावश्यक साहित्याचे रेशन किट आणि दिवाळीचा फराळ देण्यात येत आहे.
या उपक्रमांतर्गत तब्बल ३० टन जीवनावश्यक साहित्याचे वितरण करण्यात येत आहे.
शहरी भागाचे प्रतिनिधित्व करत असतानाही ग्रामीण भागातील दुष्काळग्रस्त शेतकऱ्यांच्या पाठीशी उभे राहण्याची सामाजिक बांधिलकी आमदार जगताप यांनी जपली आहे.