मुख्यमंत्री देवेंद्र फडणवीस यांच्या हस्ते ३४ वातानुकूलित ई-बसचे लोकार्पण
छत्रपती संभाजीनगर येथे ३४ वातानुकूलित ई-बसचे लोकार्पण मुख्यमंत्री देवेंद्र फडणवीस यांच्या हस्ते पार पडले असून त्यामुळे शहरातील सार्वजनिक वाहतूक अधिक पर्यावरणपूरक होईल.
छत्रपती संभाजीनगर : छत्रपती संभाजीनगर शहरातील सार्वजनिक वाहतूक अधिक सक्षम, आरामदायी आणि पर्यावरणपूरक करण्याच्या दृष्टीने ३४ वातानुकूलित इलेक्ट्रिक बसचे लोकार्पण मुख्यमंत्री देवेंद्र फडणवीस यांच्या हस्ते झाले.
या बस ९ मीटर लांबीच्या असून प्रत्येकी ३२ प्रवासी आसनांची व्यवस्था आहे. जीपीएस, आधुनिक ब्रेकिंग यंत्रणा आणि सीसीटीव्ही सुविधा या बसमध्ये उपलब्ध आहेत.
तसेच मिटमिटा येथील प्राथमिक व माध्यमिक शाळेच्या नवीन इमारतीचे लोकार्पण आणि ई-व्हि चार्जिंग स्टेशनचे उद्घाटनही यावेळी करण्यात आले.