नेपाळमध्ये लँडिंगदरम्यान दोन हेलिकॉप्टरची भीषण टक्कर ; भारतीय पर्यटकाचा मृत्यू
नेपाळमधील सोलुखुंबू येथील हेलिपॅडवर उतरताना दोन हेलिकॉप्टरची धडक होऊन एका भारतीय पर्यटकाचा दुर्दैवी मृत्यू झाला.
काठमांडू : भारताला लागून असलेल्या नेपाळमधील सोलुखुंबू येथील उंच हवाई वाहतूक केंद्रावर लँडिंगदरम्यान दोन हेलिकॉप्टरची भीषण टक्कर झाली. या दुर्घटनेत एका भारतीय नागरिकाचा मृत्यू झाल्याची माहिती नेपाळी अधिकाऱ्यांनी दिली आहे.
माउंट एव्हरेस्ट परिसरात फेरफटका मारून परतणाऱ्या दोन हेलिकॉप्टरचे रोटर ब्लेड्स एकमेकांना धडकल्याने हा अपघात घडला. प्रत्यक्षदर्शींनी आणि सीसीटीव्ही फुटेजने या अपघाताची पुष्टी केली आहे.