'अंबानी हेच भारताचे खरे बॉस'; एलन मस्क यांची 'एक्स'वर टिप्पणी
उद्योगपती एलन मस्क यांनी 'एक्स'वर पोस्ट करत अंबानी हेच भारताचे खरे बॉस असल्याचे म्हटले आहे. तसेच त्यांनी स्टारलिंकला परवानगी देण्याबाबत प्रश्न उपस्थित केला आहे.
उद्योगपती एलन मस्क यांनी 'एक्स' (ट्विटर) वर एक पोस्ट करत उद्योगपती अंबानी यांना 'प्राईम मिनिस्टर अंबानी' असे संबोधले आहे. अंबानी हेच भारताचे खरे बॉस आहेत हे आपल्या लक्षात आले नाही, याबद्दल मस्क यांनी उपरोधिकपणे माफी मागितली आहे.
अंबानी हे भारतातील महान लोकांचे आपले एकाधिकारशाहीचे शोषण (मोनोपोलिस्टिक एक्सप्लॉयटेशन) कायम ठेवू इच्छितात, असे मस्क यांनी म्हटले आहे. यासोबतच, ते 'स्टारलिंक'ला परवानगी देण्याचा विचार करतील का, असा सवालही मस्क यांनी या पोस्टद्वारे विचारला आहे.